WEGA DI AMIGU

(kantante: Jersey Isenia)

Bo tin hopi kurashi di akusá bo amigu
Di a trata malamente di mancha bo honor
Si bon' ta kobarde, bo ta duna boka
Ta kobra m'a bin kobra un debe atrasá
              
E mes un señora ei tabata mi frei
Ku m'a yega di serabu konosí kuné
Antó, hesú, b'a wòri, ku ami, un pober diabel
Sin tipo ni sin nada, tòg a konkist'é
              
Antó tra'i mi lomba, ai mi brò, b'a purba
Di habri su wowo, ofresiend'e kos
Te porfin b'a logra sedusí mi mucha
I el a kai pa plaka i el a bai bo tras
              
I no a importabu kuantu mi a sufri
Morto b'a matami, kasando ku mi frei
I m'a konformami, m'a pèrdè mi mami
I manera un machu m'a karga mi krus
              
Ai, mi brò, b'a faya, dia b'a invitami
Djis pa bo por broma, pa mi bin bo kas    
 
P'asina bo frik-mi, hasimi chikitu
I einan mi vengansa a tira raís     
              
I m'a sa mes ora ku mi frei dj'ayera
Awe bo señora, tabata infelis     
Ni bo plakan' yuda, ni bo tipon' yuda
I mi por a sinti k'e tin gan'i mi     
              
Anochi m'a bolbe, ora ku b'a sali
I min' por a faya, fe mi tabatin     
M'a tuma vengansa i b'a bin hañami
Awor bo ke rabia, sulfurá i sapatiá
              
Awor bo ta kana blabla tur kaminda
Ku t'ami t'e amigu ku a vrum bo vram
Sea spòrtif, Wansitu, lei di karm'e ta
E debe entre amigu a keda kobrá
                        
(Refran)  Ai, nò, bo no ta mi amigu
                Ni awe, ni ayera     
              
                Ai, nò, bo no ta mi amigu
                Ni awe, ni ayera     
Aplouso pa bo fantasía     
Pero bo novela falta su último kapítulo

                Ai, nò, bo no ta mi amigu
                Ni awe, ni ayera
M'a haña un kolebra chikitu
Ta dualu pa loko den mondi
Maske tur hende a deskonsehami
Mi tabata lag'é subi drumi band'i mi
Pero kolebra ta keda kolebra
Awe mainta e alimá a pikami
    
B'a kit'é fo'i mi, m'a kit'é fo'i bo
Den wega di bida tambe e bala ta rondó
Keda spòrtif
    
Ora dos amigu ta basilá, no
Mihó bo laganan
Pa abo no tin mester di bira nan enemigu.
Ta wega tin tòg?
    
At'e, ata weg'a kaba i m'a brasa mi amigu...
O, mi brò!